Пәкістанда алдағы бірнеше аптада жазаның ең ауыр түріне тартылған 500-ге жуық лаңкеске қатысты өлім жазасы орындалады, деп жазады РИА Новости. 

 Бұл туралы елдің ішкі істер министрі Чоудри Нисар Али Хан мәлім етті. 

17 желтоқсанда Пәкістан премьер-министрі Наваз Шариф өлім жазасына қатысты 2008 жылдан бері жарияланған мороторийдің күшін жойды. Мұндай шешім «Техрик-и-талибан Пәкістан» радикалдық ағым мүшелерінің 16 желтоқсанда Пешавар қаласындағы орта мектептердің біріне шабуыл жасауларынан кейін қабылданды. 

Ол кезде лаңкестік салдарынан 148 адам, оның ішінде 130 бала көз жұмды.  

hibatulla.kz