Тараз қаласы "Кеңесхан қажы" мешітінде ұстаз Зейнеп Үсенованың ұйымдастыруымен тәлім алып жатқан қыз-келіншектерге арналған психологиялық семинар жүргізілді.

Семинарды белгілі психолог Ұлдана Әділханқызы арнайы шақыртумен келіп өткізді. "Жан нұры - рух күші" тақырыбында өткен семинарда психолог әйел баласы жаратылысының мақсаты, әйел баласының ұстанымы, діндегі орны, қазіргі заманауи түсініктегі әйелдің орны, әйел-ана, отбасы ұйытқысы жайлы керемет сөз сөйледі. 

Шара соңында тіпті отбасы проблемасының шешімін тауып, ұйымдастырушы ұстазға да, психологқа да алғысын білдірген кісілер көп болды. 

Маман қыздардың сұранысымен студент қыздарға бағыт-бағдар көрсетіп, дін ұстанымындағы психологиялық проблемамалын тауып, тегін кеңес беруге келісті.

Ақерке БЕКҚҰЛОВА

"Һибатулла Тарази" мешітінің баспасөз қызметі