"Кеңесхан қажы" мешітінің 3 айлық діни сауат ашу курсын бітірген шәкірттері ұстаз Зейнеп Жәдігерқызымен бірге 3 отбасыны қуантты.
Көпбалалы отбасылардың әрқайсысына 10 000 теңге көлемінде азық-түлік табыстады. Сонымен қатар қажетті киімдерді де жеткізілді.
Зейнеп ұстаздың айтуынша, бір шәкірті "тик ток" әлеуметтік желісінде фрилансер ретінде кәсібін жүргізеді. Аталған кәсібінен түскен табысын бүгінде қайырымдылыққа жұмсады. Дін білімін алып, өмірлерінде жақсы өзгерістер болғанын жеткізіп, қуанышпен қайырымдылыққа мұрындық болған шәкірттер алдағы әр айда мұқтаждарға көмек көрсетуге ниетті.
Ақерке БЕКҚҰЛОВА
"Һибатулла Тарази" мешітінің баспасөз қызметі