Жынысты өзгертуге жасалатын отаға Ислам діні қалай қарайды? Хирургиялық жолмен еркектің жынысын — әйелдің жынысына, ал әйелдің жынысын еркектің жынысына өзгерту туралы біздің асыл дінімізде не айтылған?

Қәне, осы мәселені қарастырып көрейікші. Исламда жынысты медициналық процедура арқылы және ота жолымен өзгерту өте үлкен күнә болып табылады.

Ибн Аббас (р.а.) былай айтқан:

لعن رسول الله صلى الله عليه وسلم المتشبهين من الرجال بالنساء والمتشبهات من النساء بالرجال

«Алла әйелдерге ұқсаған еркектерді, ал еркектерге ұқсаған әйелдерге лағынет жаудырған»(Сахих әл-Бұхари).

Физикалық белгілеріне қарай әйел немесе еркек жынысты болып табылатын адамға өзінің мінез-құлқын немесе сыртқы бейнесін қарама-қарсы жынысқа ұқсатып өзгертуіне қатаң тыйым салынған. Ал бұлай жасайтын адамдар, Алла Елшісінің (ﷺ)  қарғысына қалады:

لعن الله الواشمات والومتشمات والمتنمصات والمتفلجات للحسن المغيرات لخلق الله

«Денені әшекейлейтіндерге және денелерін әшекейлеткізетіндерге, …, сұлулық үшін тістерінің арасын ашқызатындарға және Алланың жаратқанын өзгертетіндерге Алла лағынет айтқан» (Сахих әл-Бұхари).

Егер жай ғана тістердің арасын ашқызу Алланың жаратқанын өзгерту болып табылып және Алланың әрі Оның Елшісінің (ﷺ) лағынетіне әкеліп соғар болса, онда жынысты өзгерту сияқты маңызды ота арқылы адам өзіне Алланың қандай қаһарын тудыратынын елестетіп көрудің өзі қорқынышты.

Ал Алла жақсы біледі.

 asyldin.kz