Жамбыл ауданы Жасөркен ауылына арнайы барған ауданның бас имамы Ғайырфулла Қуанышбекұлы «Тұрыс» ауылдық мешітінің жамағатымен жүздесті. Сонымен бірге, аудан имамы осы мешітте жұма намазын өткізген болатын.

Жамағатқа «салауат айтудың артықшылықтары» турасында уағыз айтты. Мұсылман адамның Алла Тағалаға мақтау айту бейтаныс ұғым еместігін айтқан аудан имамы, сонау алма-қайып замандарда аталарымыздың барына шүкір етіп, жоғына сабыр етіп: «барға қанағат, жоққа салауат» деп, үнемі игі тілекте болғандығын басып айтты. Сонымен бірге, жамағатты жиі салауат айтып жүруге шақырды.

Жамбыл аудандық мешітінің баспасөз қызметі