Қызылорда қаласы «Ақмешіт-Сырдария» мешітінде Құран Кәрімді жатқа және мәнерлеп оқудан өткен ХІ республикалық байқау 2 күнге жалғасты.

Аталған дүбірлі білім додасында қасиетті Құран кәрімді толық жатқа оқу бойынша 1 орынды Жамбыл облысы Тараз қаласынан барған Иманәлі Бейбітұлы жеңіп алды. Жүзден жүйрік шығып, Құранды кемеліне келтіріп оқып, көркем даусымен көпшіліктің жүрегін елжіреткен жас қари жүлдеге  темір тұлпар мінді. 

Жерлестері мен барлық байқауға қатысушылар жүрек жарды қуаныштарын жеткізіп, құттықтаулар айтып жатыр. 

Айта кетейік, Жамбыл облысынан 4 номинацияға: "Құранды толық  жатқа оқу" бойынша Мырзагелді Иманәлі, "Құранның 20 парасын жатқа оқу" бойынша - Абдусаттар Имран, "Құранның 10 парасын жатқа оқу" бойынша - Сушанло Мухаммедзакария, "Құранды мәнерлеп оқу" бойынша - Рузметов Расулжон барған болатын. 

 Ақерке БЕКҚҰЛОВА,

"Һибатулла Тарази" мешітінің баспасөз қызметі