Тараз қаласы "Ар Рахман ар Рахим" мешітінде әйелдер жамағатына арналған кебіндеу дәрістері өтті. Іс-шара қасиетті Құран кәрімдегі "Әркім өлім дәмін татады" деген аяттың оқылуымен басталды. 

Мешіт ұстазы Зора Айдарованың ұйытқы болуымен "Кебіндеу әдебі" бүге-шегесіне дейін түсіндіріліп, практикалық түрде көрсетілді.

Арнайы манекенде мәйітті жуындыру, кебінге орау сынды шариғи әдептер таныстырылып, ұстаз насихат жүгізді.

Осындай ерекше шараны ұйымдастырған ұстазға жамағаты алғыс айтып, білмеген дүниелерін үйренгендерін жеткізді. 

Ақерке Бекқұлова

"Һибатулла Тарази" мешітінің баспасөз қызметі