Австрия елінің билік басындағылары мұсылмандар туралы заңға өзгерістер енгізбек. Мұсылмандар туралы заң осыдан жүз жыл бұрын енгізілген болатын.

Билік өкілдерінің хабарлауынша, бұл заңға өзгерістер енгізуге радикалды ағымдағы ұйымдардың елде көптеп белең алып жатқаны себеп болған. Алайда, автриялық мұсылмандар бұл заңға өзгерістердің енгізілуі мұсылмандардың кейбір құқықтарына залалын тигізуі мүмкін деп отыр.

Өзгертілген заңнамаға сәйкес, қандай да бір діни ұйымның шет елден қаржылық көмек алуына қатаң тиым салынады.

Айта кетерлігі, Ислам діні Австрияда 1912 жылдан бері ресми мойындалған, -  деп жазады Умма-инфо.