Әл-Арабия баспасөз орталығының хабарлауынша, биылғы жылғы қажылардың кәдесый алуға жұмсайтын қаражаты шамамен 600 млн долларды құрамақ. Бұл дегеніміз, әрібір қажылыққа келген жан қасиетті мекеннен туған-туыс, дос-жарандарына естелікке 400 долларға сыйлық алатынын көрсетеді.

Жидда қаласының сауда-өнеркәсіп палатасының төрағасы Ибрагим Баттарджидің айтуынша, қажылыққа келген әрбір жанның жұмсаған шығыны оның қайдан келгеніне, табысына және басқа да факторларға байланысты болмақ. Осы себепті де, қажылардың орташа жұмсаған шығыны 350-400 доллар көлемінде болып отыр дейді ол. Қажылардың қасиетті мекеннен қайтарда алатын заттары көбіне таспиық, жайнамаз, ұлттық киімдер мен алтын әшекейлер болып келеді екен.

muslim.kz