Хазірет Айша (р.а.) өте тақуа еді. Бірде жалғыз өзі оңашада жылап намаз оқып жатқанда, Пайғамбарымыз (ﷺ) келіп не үшін жылағанын сұрады. Ол:

– Уа, Алланың Елшісі! Тозақтың азабын еске алып жыладым, – деді, сөйтті де: – Қиямет күні сіз жанұя мүшелеріңізді еске ала аласыз ба? – деп сұрады. Сонда Алла Елшісі (ﷺ) оған:

– Уа, Айша, үш жерде ешкім ешкімді еске алатын жағдай болмайды. Таразыға амалдар тартылып ауыр-жеңіл екені белгілі болғанға дейін, амал дәптерлері оңнан не солдан берілгенге дейін, Жаһаннамның үстіне Сырат көпірі құрылып, өтіп-өте алмауың белгілі болғанға дейін, – деп жауап берді.

asyldin.kz