Әбу Хурайра (р.а.) Пайғамбарымыздың (ﷺ) былай айтқанын келтірген: «Жұмаққа есепіз кіретін үш адам бар. Олар: біріншісі - киімін жуып кигісі келген, алайда ауыстырып киетін киім таппағаны; екіншісі – ошағына екі қазан іліп көрмегені; үшіншісі – ас-су ішуге біреуді шақырып, бірақ «Сусынның қай түрін ішкің келеді?» - деп сұрай алмағаны».

Әбу әд-Дард (р.а.) Алла Елшісінің (ﷺ) былай айтқанын келірген: «Екі дирхемі бар адамның жағдайы бір дирхемі бар адамның жағдайына қарағанда ауыр болады». Алла Елшісі (ﷺ) былай айтқан: «Үмбетімнің ең жақсысы - кедейлер, ал олардың әлсіздері Жұмаққа бәрінен бұрын кіреді». Сондай-ақ, ол (ﷺ) былай да айтқан: «Менің екі жақсы көретін нәрсем бар: кедейлік пен жиһад. Мұны жақсы көргендер мені де жақсы көреді, оларды жек көргендер, мені де жек көреді».

Са'ид ибн Амир (р.а.): «Мен Пайғамбарымыздың (ﷺ): «Менің үмбетімнің кедейлері Жұмаққа байлардан бес жүз жыл бұрын кіреді», - деп айтқанын естідім деген.

Біздің сүйікті Пайғамбарымыз (ﷺ): «Кедейлік - бұл дүниеде мүмін жанға берілетін сыйлық», - деп айтқан болатын. Сондай-ақ, Алла Елшісі (ﷺ) былай да айтқан: «Жұмаққа жоғары мәртебесінің арқасында Сүлеймен ибн Дәуд (ғ.с.) пайғамбарлардың соңғысы болып кірсе, ал өзінің байлығы үшін Жұмаққа менің сахабаларымның соңғысы болып Абдрахман ибн Ауф кіреді». Келесі бір хадисте: «Мен оның Жұмаққа еңбектеп кіріп бара жатқанын көрдім», - делінген.

asyldin.kz