Жамбыл ауданы Ақбұлым ауылы «Нұртай ата» мешітінің имамы Сәбит Естековтің ұйымдастыруымен мешіт жамағаттары мен ауыл кәсіпкерлері ауылдағы көпбалалы, әлеуметтік жағдайы төмен отбасыларға арнап, «қайырымдылық жасасаң – қайырың өзің көресін» атты акция аясында қайырымдылық көмек үлестірілді. Азық-түлік ретінде таратылған қайырымдылық көмек 20 отбасыны қамтыды. Жалпы жұмсалған қаражат - 430 мың теңге.

Қайырымдылық жасасаң, қайырын өзің көресің, — дейді қазақ xалқы. Қайырымдылық - адамзат бойындағы ерекше бір қасиет болып саналады. Қайырымдылық ізгіліктің, адамның адамға деген таза ниетін, адамгершілік қарым-қатынасын көрсететін адамдардың бір-біріне деген сүйіспеншілігі мен көмегі.

Жақсылық жасау — имандылықтың, тәрбиеліліктің, парасаттылықтың айқын көрінісі. «Не берсең де балаға бер, бала үшін жаса» — деген халқымыздың игі дәстүрі қазіргі кезде қайырымдылық қоғамдарының іс-тәжірибелерімен жалғастырылып келеді.

Жамбыл аудандық мешітінің баспасөз қызметі