Қордай аудандық мешітінің наиб имамы Дәурен Нұржанұлына алғыс білдірілді. ҚМДБ-ның төрағасы бас мүфти Наурызбай қажы Тағанұлының бұйрығымен имам Тараз қаласындағы "Әбдіқадыр" мешітіне имам болып тағайындалды. 

Осы уақытқа дейін Қордай ауданының діни ахуалының дамуына өз үлесін қосқан білікті маманға құрмет көрсетіліп, қасиетті жұма күні жамағат Алла разылығын тілеп, аудан бас имамы Асқар Зәкіржанұлы алғыс хат табыстады.

Көпшілік шекпен жауып, алдағы жұмысына береке, жеміс тілеп шығарып салды. Ал қариялар батасын беріп, дұғасын жасады.

Қордай аудандық мешітінің баспасөз қызметі