Жамбыл облысының бас имамы Бейбіт Мырзагелдиев Байзақ ауданы Сарыкемер ауылы Қонаев көшесінде бой көтеріліп жатқан мешіт құрылысымен танысты.
Бас имам Алла үйінің қазақы салт-дәстүрге сай болуы, сыйымдылығы, мешіт жамағатына жақсы жағдайдың қарастырылуы жайында тілге тиек етті. Құрылыс басында аудан бас имамы Рамиз Азизов пен басқа да мешіт имамдары болды.
Сонымен қатар құрылыстың басы-қасында жүрген Таңатар ақсақалмен тілдесіп, құрылыс жайында толық ақпарат алды. Бейбіт Әліпбекұлы мешіттің тездетіп аяқталып, ел игілігіне аман-есен берілуін тілеп, дұға жасады.
Ақерке БЕКҚҰЛОВА
"Һибатулла Тарази" мешітінің баспасөз қызметі