Тараз қаласы имамдары «Нұр-Мүбарак» Египет ислам мәдениеті университетінде оқитын шәкірттерге шәкірт ақы берді. Болашақ дін қызметкері болатын білім алушыларға имам ағалары батасын беріп, оқуды абыроймен бітіріп Алланың дініне аянбай қызмет ету керектігін насихаттады. Пайғамбарымыз (с.а.у.) хадисінде аятқанындай: «Білім талап ету – әрбір мұсылманға парыз».

  Білім – пайғамбарлардың мұрасы әрі баға жетпес игілік. Білім – жүректің өмірі, көздің нұры, рухтың шипасы, жанның рақаты. Білім – сөздерді, істерді, оқиғаларды өлшеуге болатын таразы. Білім арқылы адам Алланы таниды, құлшылығын бір Құдайға арнайды, Оны мадақтайды. Білімнің себебімен тура жол табылады. Білім – Жәннатқа жолды жеңілдетуші. Алла игілік қалаған адамына Ислам туралы түсінікті береді. Періштелер білім жолына түскен адамға қанатын жаяды, көктер мен жердегілер ол үшін дұға жасайды. 

 "Кеңесхан қажы" мешітінің баспасөз қызметі