Жамбыл облысы, Сарысу аудандық орталық мешітінде 7-13 жастағы қыз балаларға арналған  “Иманды жаз” атты жаздық сауат ашу курсы ашылды.

Курста жалпы қыз балаларды имандылыққа тәрбиелеп, білімді болуға баулу, Ислам дінін дұрыс түсіндіру жұмыстары мақсат етілген. Балалардың жаздағы демалысын тиімді пайдалану үшін  “Құран әліппесі”, “Намаз оқып үйренейік”, “Күнделікті дұғалар”, “Исламдағы 100 сұрақ”, “Әдеп сабақтары” үйретіліп жатыр. Болашағымызға  жастардың үлесі көп болатынын ескере отырып, ұстаздар мешітке келу, кіру әдептері үйге кіру-шығу әдебі, ата-анамен сөйлесу әдебі, қоғаммен, достармен қарым-қатынас әдептерін барынша шәкірттерді  жалықтырмай  бейнероликтер, ойындар  арқылы  өткізуде.  

Сарысу аудандық мешітінің баспасөз қызметі