Арақ - атаңнаң қалған ас емес. Бұл сайтан су талай отбасының шырқын кетіріп, шаңырағын ортасына түсіргені де жасырын емес. Ендеше, одан тиылуға не кедергі? 

Міне, осы мақсатта Тараз қаласы 4-аймақ имамдары азық-түлік дүкендерін аралап, арақ-шарап сатпауға насихат жасады. 

"Ар-Рахман Ар-Рахим" мешітінің бас имамы Қанат Жұмағұл мен наиб имамы Нұрматжан Миразизов бастаған дін мамандары аймақты аралау барысында 2 ішімдік сатпайтын дүкенді кездестірді. Оларға ақсақалдар сауданың берекесін берсін деп дұға жасап, баталарын берді.

Ал өзге ішімдік сататын дүкендерге түсіндіру жұмыстарын жүргізіп, арақтың шариғаттағы тиым салынуы, ішпесе де, сатқаны үшін берілетін жазасы, оны сатудан бас тарту арқылы талай жамандықтан құтылатыны айтылды. 

Айта кетейік, бұл бастама мұнымен тоқтап қалмақ емес. Насихат жұмыстары әрі қарай өз жалғасын табады.

Ақерке БЕКҚҰЛОВА

"Һибатулла Тарази" мешітінің баспасөз қызметі