Жуалы ауданы Бауыржан Момышұлы  ауылы  аудандық «Толымбай тегі Зиябек» мешітінің ұйымдастыруымен қасиетті Рамазан айының соңғы күндерінде ҚМДБ-ның «Қайырымдылық жасасаң-қайырын өзің көресің» атты акциясы болып өтті.

Мешіт бас  имамы Нұрлан Амирбаев және  алқа мүшелері ораза  айында түскен пітір-садақаның есебінен жағдайы төмен, көпбалалы 10 отбасыға  азық-түліктей  көмек берді. Әрбір отбасыға 10 000  теңгеден, жалпы 100 000 теңге қаражат жұмсалды. Көмек алған отбасылар ауыл мешітіне  өз алғыстары мен ризашылығын білдірді.

Қошқарата ауылдық мешіті 10 жанұяға 1 қап ұннан, 5 кг күріштен, 1 шиіт майдан үлестіріп, жалпы 100 000 теңге қаражат жұмсады.

"Көлбастау" мешіті пітірден жағдайы өте төмен, мұқтаж отбасына  қаржылай  35 000 теңге берді "Көлбастау"мешіті ораза айының соңғы куніне орай 5 отбасына қайырымдылық жасалды. Шараға 58 800 теңге жұмсалды. Жалпы 93 800 теңгені құрады.

"Нұрлыкент" мешіті 20 отбасыга азық-түліктей көмек таратты және кілем, төсек, ыдыс-аяқ жеткізді. Шараға 200 000 теңге қаражат жұмсалды.

 Жуалы аудандық мешітінің баспасөз қызметі