Сауабы 83 жылға тең келген қасиетті қадір кешінде Қордай аудандық мешіті инстаграм әлеуметтік желісі арқылы жамағатпен тікелей байланыста болды. 

Эфирде Рамазан айы келісімен басталып кеткен онлайн Құран хатымының дұғасы жасалып, жамағатпен бірге имамдар қол жайып еліміз, ислам дініміз үшін Жаратушыдан тілек тіледі. 

Ауданның бас имамы Асқар Зәкіржанұлы бастаған аудан имамдары кезекпен насихат айтып, көпшіліктің көкейкесті сауалдарына жауаптар берілді. 

Қадір түнінің қасиеті, оны сауапты өткізу жолы, сонымен қатар қоғамдағы шариғат төңірегіндегі сұрақтар талқыланды. 

Қордай аудандық мешітінің баспасөз қызметі