Қасиетті Рамазан айында ауыз бекіткен жандарды қуантып, Тараз шаһарының 4-ші аймақ мешіттері мен жамағаты ауызашар берді. 

Бірінші күні "Әбу Бәкір әс-Сыддық" мешітінің имамы Қасымжан Бектаев қаридың шәкірттері мен "Ауыл-береке" базарының жамағаты 170 адамға ауызашар қоржынын таратты.

Ал екінші күні игі іске ұйытқы болған отбасылардың бірігуімен 90 адамға ауызашар қоржындары жеткізілді. Сонымен қатар бұл ыстық тамақ, нан-суы, тәттісі бар пакеттер металлургиялық завод қызметкерлеріне де жеткізілді. Тосыннан ауызашарға тап болған тұрғындар алғыстарын жеткізді.

Аталған бастама алдағы күндері әлі де жалғасын таппақ. 

Ақерке БЕКҚҰЛОВА

"Һибатулла Тарази" мешітінің баспасөз қызметі