Мартин Бенц 7 жаста болғанда, өмірінде алғаш рет Түркиядағы мешіттен намазға шақырған азанды естіді. Ерекше дыбыс баланы таң қалдырды. 30 жылдан кейін ол азанды тағы да естіді, бірақ бұл жолы ол оның өмірін өзгертті.

Мартиннің балалық шағында отбасы Түркияда тұрды - әкесі бұл елде геолог болып жұмыс істеді. Бала азаншының мұнараға көтеріліп, азан шақырғанын жиі көретін. "Бұл өте әдемі көрініс", – деп еске алады Бенц.

Мартин әкесінің жұмысына байланысты жиі көшіп жүретін христиан отбасында өсті. Бенцтің өзі Швейцарияда дүниеге келген, бірақ Нидерландыда мектепке аяқ басып, біраз уақытты Египет пен Түркияда өткізген.

Бенцті БҰҰ қызметкері ретінде Мароккоға жіберген кезде ол 30-да болды. Ер адам азанды тағы да естіді, сол сәтте балалық шақтағы естеліктері келді. Мартин Ислам және мұсылмандардың дәстүрлері туралы көбірек біле бастады, Құран аудармасының қалта көшірмесін оқи бастады. Сөйтіп, 1996 жылы Мартин Исламды қабылдады.

Бүгінде Массачусетске қоныс аударған мұсылман конфессиялық қоғамдастықтың белсенді мүшесі, тіпті жергілікті мұсылман ұйымында қоғаммен байланыс жөніндегі үйлестіруші болып тағайындалды.

asyldin.kz