Елордадағы «Нұр Астана» мешітінің ummet.kz сайты Рамазан айының құрметіне «Менің алғашқы оразам» атты үздік эссе байқауын жариялады.

Байқаудың мақсаты – қасиетті Рамазан айының қадір-қасиетін арттыру, ғибратты, оқиғалы шығармалар арқылы оқырмандарға мотивация сыйлау дейді ұйымдастырушылар.

Байқаудың шарттары: Байқауға кез-келген жастағы ниет білдіруші (Нұр-Сұлтан қаласының тұрғыны) қатыса алады.

Қатысушыға қойылатын талаптар:

• Байқауға қатысушы өз өмірінен өткен оқиғалар желісі бойынша немесе алғашқы ораза ұстағандағы әсерімен «Менің алғашқы оразам» тақырыбында эссе (ой-толғау) жазуы тиіс;
• Қатысушылар шығармаларын baiqau@ummet.kz электронды почтасына жолдауы керек;
• Байқау мерзімі 2021 жылдың 13 сәуір мен 12 мамыр аралығын қамтиды.

Шығарма, яғни эссе ғибратты оқиғаға құрылуы тиіс;

Өзгелердің Рамазанға деген құлшынысын оятуды мақсат тұтуы қажет.

Бағалау мынадай критерийлер бойынша жүзеге асады:

– Ойдың тиянақты болып, ұтымды тұжырым айта білуі;

– Шариғат талаптарына қайшы келетін дүниелердің айтылмауы.

Байқау сыйлықтары:

І орын –  Қазақша Құран және арабша Құран, арнайы әзірленген сыйлық пакеті;

ІІ орын – Қазақша Құран;

ІІІ орын – Арнайы әзірленген сыйлық пакеті.

ummet.kz