Қызылордада ҚМДБ-ның «Зекет» қорының ұйымдастыруымен 5 баспананың кілті табысталды.

Игі шараға ҚМДБ Төрағасы, Бас мүфти Наурызбай қажы Тағанұлы арнайы қатысты. Бұл жолы 325, 326, 327, 328 және 329-баспана иелеріне табысталды.

«Біз қайырым жолын, мейірім бағытын ұстанамыз. Мұқтаждың мұңын бөлісу барысында ел имамдарының еңбегі зор. Аллаға шүкір, бүгін осындай шарапаты мол шарада тұрмыз. Баспана қиындығын көрген жандарды қуантқан баршаңызға алғысым шексіз. Үйлеріңіз құтты болсын!» – дей келе, Бас мүфти 5 отбасыға баспана кілтін табыс етті.

Дереккөз: ҚМДБ баспасөз қызметі