Мекке билігі Джабал әл-Нұрдың етегінде мәдени орталық құрмақ. Саудияның газеті хабарлағандай, дәл осы жерде Хираның тарихи үңгірі орналасқан.
Қала әкімі Мұхаммед әл-Кувейяс айтқандай, бірінші кезеңде тау мен оның айналалары жазулардан, граффитиден тазартылады, қазіргі уақытта таудың баурайында тұрған барлық тәртіпсіз нысандар бөлшектенеді. Орталыққа келушілер исламға дейінгі дәуірден бастап бүгінгі күнге дейінгі таулар мен үңгірлердің тарихын біле алады.
«Баспалдақтар үңгір орналасқан таудың басына және одан түсуге көмектесетін етіп салынады. Келушілердің қауіпсіздігін қамтамасыз ету және тауды исламның тарихында маңызды орын алатын табиғи орын ретінде сақтау үшін барлық қажетті шаралар қабылданады », - деді қасиетті қаланың әкімі.
asyldin.kz