Жамбыл жоғары политехникалық коллежінде жастармен дін тақырыбы аясында кездесу өтті. Жиынға аталған оқу орынының 3 курс студенттері қатысты.
Жастардың діни сауатын арттыру, экстремизм мен терроризмнің алдын алу мақсатында жүргізілген іс-шараға "Һибатулла Тарази" мешітінің наиб имамы Бахтияр Амиреев арнайы барып қайтты.
Студенттердің дін саласына байланысты сауалдарына жауап беріп, дәстүрлі ислам діні дегеніміз не, теріс ағымдардың түрлері мен мақсаты, олардың шығу тарихы сынды мағұлматтар берді.
Ақерке БЕКҚҰЛОВА,
"Һибатулла Тарази" мешітінің баспасөз қызметі.