Израиль билігі ислам дінінің қасиетті орындарының бірі - Иерусалимдегі Әл-Ақса мешіті аумағында иғтикаф жасауға салынған тыйымды жойды. Рамазан айының басынан бастап тиісті орынға тыйым салынған болатын.

Әл-Ақса мешіті қауымдастығының басшысы Омар әл-Кисванидің айтуынша, 24 мамыр түнінен бастап мұсылман оразасының аяқталуына дейін мешіт есігі барлық иғтикафқа қалуды қалайтындар үшін ашық.

Рамазанның соңғы 10 күнінде көптеген қасиеттер бар, өйткені олар айдың басқа күндерін асып түседі. Атап айтқанда, бұл кезеңде Қадір түні жасырынған. Осыған орай, мұсылмандар Рамазанның осы күндері мешітте болып, иғтикаф жасауға ұмтылады.

asyldin.kz