Садақаны не үшін береміз, оның бізге қандай пайдасы бар? Келесі айтылғандар осы жайлы болмақ:

1. Садақа беріп, біз өзімізге міндеттелген бір істі орындаймыз.
2. Садақа иманымызды күшейтеді.
3. Садақа – Қиямет күніне жиған қорымыз, дайындығымыз.
4. Садақа беріп, бұл өмірде Алланың сыйына кенелеміз.
5. Садақа – дүние-мүлкіміз бен байлығымыздың қорғаушысы.
6. Садақа тапқан табысымызды берекелі етеді.
7. Садақа бізді күнәларымыздан арылтады.
8. Көмекке мұқтаж жандарға қол ұшын беру – игі іс әрі бізді мейірімді етіп, денсаулығымызды да жақсартады.

Садақа бергенде немесе біреуге көмектескенде шын ниетпен жасауымыз тиіс. «Білмеймін, беру керек болған соң бердім», «осыны берсем Алла байлығымды арттырады екен» деген оймен немесе берген көмегіңізді «мен пәленшеге көмектестім» деп айтсаңыз ол садақаңыздан да, көмегіңізден де ешбір қайыр болмайды.