Жамбыл облысы әкімдігі Дін істері басқармасы «Оңалту орталығы» КММ-нің ұйымдастыруымен Тараз қаласындағы «Ар-Рахман Ар-Рахим» мешітінде «Пайғамбарлар және Елшілер» тақырыбында викториналық жарыс өтті.

Мешіт ұстазы Айдарова Зора ханым мен «Оңалту орталығының» инспекторы Садық Мадинаның жетекшілігімен өткізілген бұл жарыста мешіттің сауат ашу курсының шәкірттері Ислам тарихы, Пайғамбарлар өмірі жайлы бар білімдерін көрсетті.

Жарыс соңында қатысушыларға «Оңалту орталығы» тарапынан тәрбиелік мәні зор, сараптамадан өткен діни кітаптар сыйға берілді.

«Кеңесхан қажы» мешітінің баспасөз қызметі