Қасиетті жұма күні Т.Тысқұлов аудандық «Сұлтан» мешітіне іс-сапармен келген ҚМДБ-ның шариғат және пәтуа бөлімі меңгерушісі Сансызбай ұстаз Құрбанұлы мешіт жамағатына уағыз-насихат айтты.

Ауданның бас имамы Сұлтаншәріп қажы Жұма намазына жиналған жамағатқа ұстазды таныстырды. Жамағат Сансызбай ұстаздың өте ғибратты да әсерлі кеңестері мен насихатын тыңдады. Сансызбай ұстаз белгілі Имам Әбу Ханифа мен сахабалар мен табиғиндердің айтып кеткен насихаттары мен үлгіаларлық оқиғаларды келтіріп кетті. Жандарына ыстық болып кеткен ұстаздарын жамағат құшақ жайып қарсы алып, уағыздарын сүйсініп тыңдады.
 

Әбілда Мейірханов