Франция үкіметі екі мұсылман қыз-келіншекке никаб кигені үшін айыппұл салу арқылы адам құқығын бұзған. Мұндай мәлімдеме Адам құқығы жөніндегі БҰҰ Комитетінде жасалған. 

Халықаралық ұйымға 2012 жылы қоғамдық орында никаб киіп жүргені үшін айыпталған Францияның екі тұрғын қыз-келіншегі шағымданған.

Комитеттің мәлімдемесінде көрсетілгендей, аталмыш тыйым салу "арыз берушілердің діни нанымдарын көрсетіп жүруіне өлшеусіз зиян келтірген", ал Франция үкіметі заң жүзінде салынған бұл тыйымның не үшін қажет екенін дұрыстап түсіндірмеген де.

Айта кету керек, Францияда 2010 жылдан бері қоғамдық орындарда бетті жауып тұратын никаб киюге тыйым салынған.

Құқық бұзушыларға 150 еуро көлемінде айыппұл салынады.

asyldin.kz