Тараз қалалық «Кеңесхан қажы» мешітінің әйелдер - қыздар секторы ұстаздарының ұйымдастыруымен жазғы сауат ашу курсының шәкірттері  орталық мұражайды зиярат етті. Тарихи жәдігерлерді тамашалаған шәкірттер ұстаздардың жол көрсетуімен көне қаламыздан табылған тас мүсіндер, ескі тұрмыс заттары, әшекей бұйымдар тарихымен танысты. Қаламыздың еңбек ерлеріне арналған бұрыштан шәкірттер аға буынның өмірінен ғибрат алып, естелік суреттерге түсті.

Мұражайды зиярат етудің  негізгі мақсаты - тарих тағылымын, талай кезеңді артта қалдырып, біз үшін ерліктерге барған батыр бабаларымыздан үлгі алып, жаңа буын жадында сақтау және бүгінгі бейбіт күнді бағалай білу. 

Ұстаздар мен шәкірттер өзара тарих жайында сұқбаттасып, ерекше әсермен тарқасты.

«Кеңесхан қажы» мешітінің Баспасөз қызметі