Қасиетті Құранда:«Әй мүміндер! Бір ел, бір елді тәлкек қылмасын. Бәлкім олар өздерінен жақсы шығар. Сондай-ақ әйелдер, әйелдерді келемеждемесін. Бәлкім олар өздерінен жақсы шығар. Бір-біріңді міндемеңдер; жаман ат тағыспаңдар. Иман келтіргеннен кейін сүркей ат нендей жаман. Ал кім тәубе қылмаса, міне солар залымдар» (49:11), - деген аят бар.

Аталмыш аятта айтылған адамды тәлкек ететін лақап ат жөнінде әртүрлі пікірлер келтірілген. Мысалы үшін:

1) Адамның Ислам дінін қабылдағанға дейінгі өмірін есіне түсіретін лақап ат қоюға тыйым салынған.

2) Сондай-ақ, алдында жасаған күнәлары үшін Алладан кешірім сұрап, тәубесіне келген адамның бұрынғы күнәсін есіне түсіретін лақап ат тағуға да тыйым салынады. Мысалы, бұрында спиртті ішімдік ішіп, бірақ онысын қойып кеткен адамды «ішкіш» деп айтуға болмайды.

3) Адамды «кәпір» немесе «мұнафық» деп айтуға болмайды (Ибнуль-Джаузи, Задуль-Масир).

Исламда адамды ренжітетін немесе оған тіл тигізетін жаман лақап ат беру дұрыс болып табылмайды. Себебі адамды ренжітуге тыйым салынған.

asyldin.kz