Талай жақсылықтардың жаршысына айналған, киелі шаһардағы  рухани орда, Алланың  үйі «Һибатулла Тарази» мешітінде осы уақытқа дейін біршама игі істер атқарылып, көпшіліктің жанына мейірімділік пен бауырмалдықтың нұрын шашқан еді, шаша да бермек.

Медресе ұстаздарының ұйымдастыруымен және сауат ашу курсында дәріс алатын әйел шәкірттердің және әйел жамағатының  белсене атсалысуымен аптаның әр жұма күнінде мешіт алдында қайырымдылық жәрмеңкесі өтетінін бұрындары да хабарлаған болатынбыз. Бұл сауапты іс осы аптада да өз жалғасын тапты.

Жәрмеңкеде шәкірттердің өз қолдарынан шыққан түрлі кондитерлік тәттілер мен  тағамдар ұсынылып, сатылды. Сатылымнан түскен барлық қаражат алдағы уақытта мүгедек жандар мен тұрмысы төмен отбасыларға берілетін болады.

Осындай қайырымдылық шарасына атсалысқан барлық ізгі жандарға мешіт атынан алғыс айтамыз.

«Һибатулла Тарази» мешітінің Баспасөз қызметі