Тараз қалалық №30 мектепте «Діни экстремизм және терроризмнің алдын алу» тақырыбында дөңгелек үстел өтті. Аталмыш жиынға Қазақстан мұсылмандары діни басқармасы Жастар секторының Жамбыл облысындағы өкілі Ержан Маханұлы қатысты. Дөңгелек үстел барысында Жастар секторының өкілі қазіргі таңда елімізге және әлемге қауіп төндіріп тұрған діни ағымдардың ахуалы мен зардаптары, олардың алдын алуда жастарға қандай бағыт-бағдар беріп, өскелең ұрпақтың осындай ағымдарға кетіп қалмауы үшін қандай шара қолдану керектігі туралы кеңінен түсіндіріп өтті.  Сондай-ақ экстремистік бағыттағы діни әдебиеттерден аулақ жүруге шақырып, төл мәзхабымыз – Әбу Ханифа жолымен жүру ауызбірлікке бастайтытын атап өтті.