Мейірім мен рақым – жалпы жаратылыстың түп негізі. Мейірімі болмаса, не нәрсе де мәнсіз, әрі суық. Ғаламдағы барлық нәрсе терең мейірім, рақымшылық негізінде бар болып, өсіп-өнеді.

Дініміз бойынша барша жаратылғанға мейірімділік пен рақымдылық жасау, олардың мұқтаждықтарына ортақтасу әрбіріміздің басты міндетіміз. Сондықтан, шынайылықпен қызмет көрсету мейірімділік пен рақымдылық есігі.

Мақлұқатқа қызмет көрсете білген адам, өз бойындағы мейірімділігі мен рақымдылығын толықтай айғақтады деген сөз. Осы себепті бір мұсылманның мұң-мұқтаждығына көмектесу, басына түскен түрлі қиыншылықтардан құтқару, Аллаһ ризалығына жетелейтін амалдардың бірі болмақ. 

hibatulla.kz

Хадис шәріптердің бірінде пайғамбарамыз Мұхаммед (с.ғ.с) былай деген: «Жердегілерге рақымдылық жасаңдар. Сонда көктегілер де сендерге рақымдылық жасайды», – деген болатын.