Дұрыс тамақтану ұлттық орталығы мамандары осы мақсатта арнайы тәжірибе жүргізді. Тәжірибе процесінде бие сүтінің қартайған адамдар ағзасындағы зат алмасуына ықпалы зерттелді.  

Тәжірибе жүргізілместен бұрын ерікті қатысушылардың барлығынан бақылау анализі алынды. Қатысушы адамдар екі ай бойына арнайы жүйе бойынша тамқатанды. Оларға бие сүті негізіндегі қышқылсүт өнімдері беріліп отырды.

Нәтижесінде, бие сүтінен әзірленген өнімдер адам ағзасындағы зат алмасуды күшейткені және холестерин деңгейін тұрақтандырғаны белгілі болды.