Құрама штаттағы ірі мұсылман құқыққорғау ұйымы сайлауға қатысқан 2 мыңнан аса мұсылман арасында сауалнама жүргізді. Таң қалдырғаны, мұсылман тұрғындарының 90%-ы сайлауға келген.

Сайлауға қатысушы мұсылмандардың 74%-ы Хиллари Клинтонға, 13%-ы Дональд Трампқа дауыс берді. 

Осы орайда көпшілік көкейінде исламофобиялық риторикаларымен танылған Трампқа мұсылмандар неліктен дауыс берді деген сауал туды. CAIR өкілдерінің пайымдауынша, Дональд Трампты экономикалық мәселелер мен салықтарға алаңдаушылық білдірген мұсылмандар қолдаған.

«Мұсылман қауымының белгілі бір бөлігі Трамп арқылы салық саласындағы мәселелерді шешуді және шағын бизнеске жеңілдіктерге қол жеткізуді мақсат еткен болуы керек» дейді Америка-ислам қатынастары жөніндегі кеңес өкілі.