Мәскеу қаласында мұсылман қауымына арналған BQ-5071 Belief смартфонының таныстырылымы өтті.
«Смартфон иесінің орналасу мекенжайын анықтап, намаз уақытын хабарлап тұрады. Ол сонымен қатар жақын маңдағы халал мейрамханалар мен мешіттердің нақты мекенжайларын да көрсетеді. Ал қасиетті Құран аяттарын мәтін күйінде оқып немесе аудио нұсқада тыңдауға болады. Кез келген аятты Email, Facebook және Twitter парақшасы арқылы тарату мүмкіндігі бар» дейді жоба авторлары.
Ұялы телефонның артқы бөлігі шығыстық арабша стильде көркемделген, ал экранға мұсылманша әртүрлі тематикалар қоюға болады.