Египет республикасы Минья елдімекенінде Аяд есімді мұғалім бірнеше буын шәкірттеріне қасиетті қос кітап – Құран мен Інжіл бойынша тағаттылық пен төзімділік сабақтарынан білім беріп келген.
Оның сыныбында шамамен 120 оқушы тәлім алады, оның 70-80-і мұсылман отбасынан, 30-40-ы – христиан отбасынан. «Біз мектепте бір-бірлерімізбен үлкен сыйластық байланыс құрамыз. Алайда, маған өшпенділікке тәрбиелейтін сабақ беріп 100 доллар алғаннан, мейірімділікке шақыратын дәріс үйретіп бір доллар алғаным артығырақ. Мені мектеп оқушыларының, ата-аналар мен педагогтертердің қолдау білдіргені қатты қуантады. Оның үстінде бұл ата-аналар да бір кездері менің оқушыларым болған еді. Олар өте саналы азамат болып өсті» дейді ұлағатты ұстаз.
Аядтың айтуынша, өзге дін өкілдеріне түсіністік танытпау, өшпенділік сезімі – күтпеген кекшілдікті тудырады. «Біз ешқашан жауласқан жоқ едік, бір-бірімізге өш болмадық. Мұсылман, христиан деп бөлмедік. Біз барлығымыз біргеміз, айырмамыз жоқ» дейді ол.