Шешенстан Гиннес рекордтар кітабына енуді тағы да жоспарлайды. Бұл жолы – ең алып кәуап пісіру бойынша.
Рекордтық өлшемдегі кәуап Грозный қаласында өтетін «Шашлық-машлық» халықаралық фестивалі аясында әзірленбек. 8 қазан күні басталатын шараға әлемнің жүздеген үздік кәсіби аспазшылары жиылады.
«Фестиваль аясында ашық отқа қақталған ет мен гриль жасау бойынша шеберлік дәрістері, кулинарлық және спорттық турнирлер ұйымдастырылады» делінген Ростуризм ресми сайтында.