Көптеген мұсылман елдерінің тұрғындары батыс дәстүріне сыйластықпен, түсіністікпен қарайды. Белгілі Pew Research Center орталығы жүргізген әлеуметтік сауалнама осындай нәтиже көрсетіп отыр, деп хабарлайды The Independent басылымы.
Мәселен, Түркия мен Тунис елдері тұрғындарының жартысынан көбі батыс халқының киім кию үлгілеріне айып тақпайды. Сауд Арабиясы (47%) мен Ливанда (49%) бұл пікірді ұстанушылар қатары да аз емес.
Иракта бұл мәселеде жағдай керісінше. Мәселен, еркін киім кию турасында халықтың 27%, Пәкістанда – 22%, ал Египетте –14%-ы ғана оң пікір білдірген.
Еске сала кетейік, өз елдеріне ғана тән киім үлгілері Сауд Арабиясы, БАӘ және Ирак секілді мемлекеттерде қалыптасқан.