Шу аудандық "Жәми" мешітінің әйел-қыздар жамағаты мешіттің белсенді 2 ақжаулықты әжесін әрбір мұсылманның арманы болған қажылық сапарына шығарып салды. 

Жамағат апаларға Алланың жердегі үйі Мекке қаласындағы "Әл-Харам" мешітінде құлшылық жасап, Алла елшісі (Алланың оған салауаты мен сәлемі болсын) басқан жерлерді басып, рухани кемелдікке жетелейтін сапар кіші қажылыққа барғанда көмек болсын деп қаржылай сыйлықтарын жасады.

Аудандық мешіттің ұстазы Сәуле Нұрсұлтанқызы мен "Әжелер алқасының" Төрайымы Дариха Шонжарқызы апаларға жол амандығын тілеп, арнайы дұға жасады.

Шу аудандық "Жәми" мешітінің баспасөз қызметі