Адамзат өз тарихында осы күнге дейін әлі ағаштан артық ауаны тазартатын бірде-бір қондырғы ойлап таба қойған жоқ. Ағаштың ауаны тазартқанымен қатар оны реттеп, шудың азаюына ерекше пайдасын тигізеді. Табиғаттағы тепе-теңдікті сақтап тұрған да ағаш екен. Ыстықты, аязды басып, ылғалдылықты сақтап, жаңбырдың уақытында және табиғи тәртіппен жаууын­ реттейді, топырақтың құнарлығын сақтайды, дауылдың екпінін азайтады. Қысқасы, бесік, табыт, яғни адам өмірге келгеннен кеткенге дейін игілікке жарайды. Сондықтан, ағаш отырғызу ұрпаққа мұра қалдырғанмен пара-пар.

ҚМДБ әйел-қыздар секторы, аудандық "Қордай" мешітінің ұстазды Эльмира Аманқожақызының ұйымдастыруымен әйел-қыздар жамағаты ағаш отырғызу науқанын өткізді. 

Нәзік жанылар орталық және ауылдық мешіттердің ауласына түрлі жеміс ағаштарын отырғызып, әр дарақты еккенде дұғасын жасады.  

Аудандық "Қордай" мешітінің баспасөз қызметі