Шу ауданының бас имамы Бахтияр Амиреев Шу қаласы "Тоғай" мешітінде ауызашарға қатысты. Ауданның діни көшбасшысы "Оразаның артықшылығы" жайында насихат айтты. 

Бас имам: "Расулулла (с.ғ.с.): «Рамазан айында шын иман келтіріп және сауабынан үміттеніп ораза ұстаған адамның бұрын iстеген күнәлары кешiрiледi» («Сахихүл-Бухари»), – деген. Ал, ораза үшін берілетін сауап мөлшеріне келер болсақ, Расулулла (с.ғ.с.) бір сөзінде: «Адам (ғ.с.) баласы-ның барлық амалының сауабы оннан жеті жүз есеге дейін еселеніп беріледі», – десе («Сахиху Муслим»), екінші бір хадисінде: «Хақ тағала айтады: «Адам (ғ.с.) баласының барлық амалы өзі үшін. Тек ораза Мен үшін. Оразаның қарымын мен беремін». Ораза – қалқан. Ораза ұстағандарың жаман сөз айтпасын, дауласпасын. Біреу оны балағаттаса немесе онымен жанжалдасса, ол: «Мен оразамын», – десін. Мұхаммедтің (с.ғ.с.) жаны билігінде болған Алла тағаламен ант етем! Қиямет күні Жаратушы Иенің жанында ораза ұстаушының аузының иісі мисктің иісінен абзал. Ораза ұстаушыға екі шаттық бар: Бірі – ауыз ашқанда қуанады. Екіншісі – Қияметте Раббысы-мен жүздескенде ораза ұстағанына қуа-нады», – деген"- деді уағызында.

Шу аудандық "Жәми" мешітінің баспасөз қызметі