Танымал блогер Арман Байжігіт Жамбыл облысы Байзақ ауданы «Байзақ баба» мешітінің бас имамы Қанат Әділханұлынан сұқбат алды. Сұқбат «Рамазан айының маңызы және ораза ұстаудың хикметі» тақырыбында сұрақ-жауап форматында өрбіді.
Қанат Әділханұлы: «Алла Тағала қасиетті Құранда «Уа, мүміндер! Өздеріңнен бұрынғыларға парыз етілгендей сендерге де ораза ұстау парыз етілді. Бәлкім сол арқылы күнә атаулыдан сақтанып, тақуалыққа жетерсіңдер», - деп, бізді тақуалыққа тәрбилейтін ай екендігін айтып жатыр. Пайғамбарымыз (Алланың игілігімен сәлемі болсын) хадисінде «Рамазан айының алғашқы түні болғанда шайтандар кісенделеді. Тозақтың қақпалары жабылады. Жұмақтың қақпалары айқара ашылады. Бір жаршы: «Ей, жақсылық қалаушы, баста! Ей, жамандық қалаушы, таста! Алланың тозақтан азат ететін құлдары бар!» – деп жар салады. Әрбір түні осылай айтылады»,- деп сізбен бізді сүйіншілеп кеткен- - деп атап өтті.
Байзақ ауданының баспасөз қызметі