Талас ауданы, Қаратау қаласы, "Қаратау Қажы би" мешітінің бас имамы Жалғас Дүйсенбайұлы қасиетті Рамазан айының бірінші күні мешіт жамағатына өзінің жүрек жарды лебізін білдіріп, мүбарак айдың қадір-қасиетін тілге тиек етті.
Мешітке келген ағайынды, аудан жұртын қасиетті айдың келуімен құттықтады. Сондай-ақ биылғы жылы мешітте хатым түсіретін жас қарилармен таныстырып, ақсақалдардың батасымен Жамбыл облысынан шыққан Құран хафиздардың ықыласымен тарауих намазын өтеуге, Аллаға мінәжәт етуге бас қойып жатты.
Талас аудандық мешітінің баспасөз қызметі