Тараз қалалық орталық «Әулие ата» мешіті «Әйел-қыздар» секторының ұстазы Мурвад Ансаровна «Отбасы – шаңырақ тірегі» атты тақырыпта мешітке келуші әйел жамағатына уағыз-насихат айтып, семинар өткізді.
Халқымызда: «Отан – отбасынан басталады», – деген қанатты сөз бар. Отбасы – шағын мемлекет. Жанұяда жақсылық көбейсе, қоғамда ізгілік салтанат құрады. Қоғам түзелсе – мемлекеттің мерейі тасып, мәртебесі артады.
"Жанұяға жақсы қарау – ізгіліктің бастауы. Аптаның кем дегенде бір күнін отбасына арнаған абзал. Өйткені, баламен сұхбаттасу, онымен ойнау, жарыңмен сырласу, баланың болашағына қатысты жұмыстарды жоспарлау, т.б. амалдар шаңырақтың шырайын кіргізіп, берекесін арттырады" - дейді ұстаз.
"Әулие ата" мешітінің баспасөз қызметі