Тұңғыш рет мұсылман қыз-келіншектерінің шомылуға арналған киім үлгісі Sports Illustrated Swimsuit мұқабасына шықты, деп хабарлайды Lenta.ru.

Тегі кения-сомалилік, американдық сәнгер Халима Аден Sports Illustrated Swimsuit журналының жұлдызына айналды. Ол мұсылман қыздардың шомылуға арналған киімдері таныстырылған фотосессияға қатысты.

Бұған дейін Халима Teen Vogue және Allure журналдарына түскен, ал Sports Illustrated спорт басылымына шығуды қатты армандаған екен.

Ол өзінің Instagram парақшасында: «Өзіңді емес, ойын ережесін өзгерт. Ханшайымдар, бәрі де мүмкін! Sports Illustrated журналына шығу мен үшін шектеулі секілді көрінген, бірақ ол орындалды. Бұл әлемге нәсілі, көзқарастары мен тәрбиесі әртүрлі әйелдердің теңдігі бар екенін көрсетеді» деп жазған.