Malang Times порталының мәлімдеуінше, Индонезияның Маланг қаласында ислам орталығын салу жоспарланып отыр, оның басты көрнекілігі 4D форматтағы Құран мұражайы болмақ.

Мұражайда сыртқы көріністен гөрі Қасиетті Құранның мазмұнына баса көңіл аударылатын болады. Бұл жобаға үлгі ретінде Дубай қаласында орналасқан Этихад мұражайының дизайны алынған. Құран аяттарының мазмұны мен мағынасын анағұрлым сапалы деңгейде көрсету үшін аталмыш дизайнды 4D форматта жасау жоспарланып отыр.

Индонезиядағы Құран мұражайының құрылыс жобасы 2019-2023 жылдары салынып бітеді деп көзделуде. Мұражайды қоса алғанда ислам орталығын салу үшін Индонезия үкіметі 5,56 гектар жер мен 450 млрд. рупий (29,69 млн. доллар) бөлген.

Құран мұражайын салу - Индонезия мемлекетінің үкімет бағдарламасы мен халал туризмді дамыту бағдарламасына кіреді.

asyldin.kz