Намазды жалғыз оқығанда, бір сауап аласың, алайда жамағатпен оқыған намаз 27 есеге артық. Бұл неліктен?

Жамағатпен оқылатын намаздың артықшылығын дәлелдейтін сенімді хадистер бар. Омар бин әл-Хаттаб (р.а.) біздің Пайғамбарымыздың (ﷺ) келесі сөзді айтқанын келтірген:

«Жамағатпен оқылған намаз - жалғыз оқылған намаздан 27 есе артық» (Бұхари, «Азан», 30; Мүслим, Масаджид, 249, Несаи, Имамат, 42; Ибн Маджа, Масаджид, 16).

Ибн Хажар жамағатпен оқылатын намаздың артықшылықтарын жеке-жеке айтып көрсеткен. Солардың бірнешеуін қарастырып өтейік:

1. Бұл намаздың пайдасы азаншының намазға шақырған үніне ниет білдіруден басталады;

2. Жамағатпен оқылған намаз адамның тақуалығын арттырып, оның нәпсісін ауыздықтайды;

3. Адам өзінің жалғыз құлшылық етіп тұрмағанын түсініп, өзін сыпайы ұстап, мешіттің рухани атмосферасын бұзбауға тырысады;

4. Өзге жамағатты күтіп тұрған сәттен бастап, құлшылық етушілерге береке төгіліп тұратын болады;

5. Періштелер осындай құлшылық етушілерге Алладан дұға мен истиғфар тілеп тұратын болады;

6. Жамағатпен оқылған намаз үшін тіпті періштелер де куә болады;

7. Жамағатпен намаз оқып жатқан адамдарды көрген шайтанның зығырданы қайнайтын болады;

8. Намаздан соң имаммен бірге тәкбір айту және таспиық тарту да мол сауапқа  кенелтеді;

9. Намаз кезінде періштелер құлшылық етушілерді қоршап тұратын болады;

10. Жамағатпен оқылған намазда мүміндер сөздердің дұрыс айтылуын есте сақтайтын болады;

11. Мұндай намаз мүміндердің басын біріктіреді әрі иманның дәмі мен біздің асыл дініміздің сұлулығын сезінуге мүмкіндік береді;

Мешітке намаз оқуға бара жатып, мынаны естен шығармаңыздар:

1. Мешітке кірерде дұға айтуды;

2.  Мешітке кіргенде "тахийатул масджид" намазын оқуды;

3. имамның уағызын тыңдауды;

4.  Сап құрап тұрғанда біркелкі тұруды, құлшылық етушілердің арасында бос орын қалмауын қадағалауды ұмытпаңыз;

5. Егер әлі намаз оқымаған немесе дұға жасап тұрған адамдарды көрсеңіз, тыныштық сақтап, оларды алаңдатпаңыз. Адамдарға сыйластықпен қараңыз;

6. Жамағатпен оқылатын намазға әдемі, лайықты киім киіңіздер, бұл да сүннет болып табылады.

Мүслимнің хадистер жинағында Пайғамбарымыз (ﷺ) былай айтқан:

«Кімде-кім түнгі намазды жамағатпен бірге оқыса, сол түн жарымын құлшылықпен өткізген адамға тең болады. Ал кімде-кім түнгі және таңғы намаздарын жамағатпен оқыса, сол түні бойы намаз оқығандай сауап алады» (Мүслим).

Алла разылығына қол жеткізу мүмкіндігін жіберіп алмаңыз!

asyldin.kz